افتراضي ما احبك جذب صدكني ذايب بيك

ما احبك جذب صدكني ذايب بيك

ما أحبك جذب صدكني ذايب بيك
واذا إدور عليه بيك تلكاني
واذا هذا الاكوله تظن ابالغ بيه
تكدر تنسحب بس تكدر تنساني ؟
وما أكلك جذب كبلك ما حبيت
بس يوم العرفتك انولدت من ثاني
وهسه اني طفل ما يعرف يضم اسرار
وتلكه البالكلب بسرعة على لساني
أحبك كلمه ما تستحقهه والله
لأن كلمة احبك ما تروي وجداني
وماتهمني حروف الكلمه من تنكال
بس همني الفعل وشتحمل معاني
لأن انا من أحب اختلف عن الناس
وما اكلك طبع ولا سر رباني
ولا اكلك ملاك اني يفلان
بس تلكه الصدگ من تدك بيباني
أحبك كالوهه كبلي هواي
وبيهه ما اهم واتركهه تعاني
عندي لهفه الك شايلهه من سنين
واظن كلمة أحبك ما تطفي نيراني